Խաղի նպատակն է գտնել քարտերի վրա համընկնող պատկերը և առաջինը բարձրաձայնել այն: Անհրաժեշտ հմտություններն են՝ ուշադրությունն ու արագությունը:Տուփում ներառված է 57 քարտ:Յուրաքանչյուր քարտի վրա՝ 8 պատկեր:Ցանկացած երկու քարտ ունեն միայն մեկ ընդհանուր պատկեր: Առաջադրանքը՝ գտնել համընկնող պատկերը:

Ինչպես խաղալ ԳՏՆԵԼՈՒԿ.

Տարբերակ 1

Անհրաժեշտ է որքան հնարավոր է շատ քարտ հավաքել:

Մասնակիցներին բաժանվում է մեկական քարտ՝ փակ վիճակում, իսկ մնացած քարտերը մեկ կույտով դրվում են կենտրոնում՝ բաց վիճակում:

Մասնակիցները բացում են իրենց քարտերը և ամեն մեկը փորձում է առաջինը գտնել համընկումը իր և կենտրոնում դրված կույտի ամենավերևի քարտում:

Առաջինն ով գտնում է և բարձրաձայնում, վերցնում է կույտի վերևի քարտը և բաց վիճակում դնում իր քարտի վրա: Կենտրոնի կույտի հաջորդ քարտն է բացվում: Մասնակիցներն անմիջապես պետք է փորձեն գտնել արդեն այդ քարտի և իրենց քարտի միջև համընկնումը: Այդպես շարունակ, մինչև կենտրոնի կույտը վերջանա:

Խաղն ավարտվում է, երբ կենտրոնի բոլոր քարտերը հայտնվում են մասնակիցների մոտ: Հաղթում է նա, ով ամենաշատ քարտն է վերցրել:

Տարբերակ 2

Անհրաժեշտ է որքան հնարավոր է շուտ ազատվել բոլոր քարտերից:

Քարտերը հավասար քանակով բաժանվում են մասնակիցներին՝ փակ վիճակում, վերջին քարտը դրվում է կենտրոնում՝ բաց վիճակում:

Մասնակիցների նվազագույն քանակը՝ 2, առավելագույնը՝ 8:

Տարիքային սահմանը՝ 4-99